حل بسيط و رخيص لواير فرامل اليد لأصحاب الفرامل الخلفيه الديسكات .

من فترة عملت عندي تعديل الفرامل الخلفية و ركبت ديسكات.
طبعا المشكلة الرئيسية دايما في التعديل ده هي مشكلة واير فرامل اليد.. ناس كتير بتلجأ لقص الواير او عمل اجتهادات غير مجدية او حتي إلغاء الواير خالص.
و الحمد لله بعد شوية تفكير كدة ربنا هداني للحل الجذري و البسيط جدا لمشكلة طول واير فرامل اليد و بتكلفة 16 جنيه .
الفكرة اننا ها نسحب الزيادة لقدام بدل ما نقصها... ها نجيب طقم مسامير سخان من عند اي محل سباكة... ها نقصرهم لطول 5.5 سم.... و نفتح بالصاروخ مجري في الراس بتاعت المسمار، علشان نعلق فيهم البلبة الرصاص بتاعت الواير، و نلحم المسامير في الشداد الحديد بتاع فرامل اليد... نركب الوايرات و نحكمهم بكوليه حديد نص بوصة، و مبروك عليك بقي عندك فرامل يد.
- ملحوظة.. لما عملت القطعة اللي في الصورة ما كنتش عارف ان الواير اليمين اطول من الشمال بحوالي 1 سم .. فا كان قدامي حل من اتنين... اقطع المسمار الشمال و اقصره و اعيد اللحام تاني.. او اني ألف الواير اليمين لفة واحدة حولين المسمار بحيث اسحب الطول الزيادة .. و ده اللي حصل.
طبعا طريقة التعديل دي فيها ميزة انك تقدر تشغل الواير تاني لو اضطريت لاي سبب انك ترجع الفرامل الطنابير تاني.. و كمان انت كدة محافظ علي قوة و متانة الواير.
- التكلفة.. 6 جنيه مسامير سخان تركي... و 10 جنيه قطع و لحام المسامير.
لو استفدت من الموضوع ده.. ادعيلي دعوة حلوة بظهر الغيب.
بعتذر عن التأخير لكل من استاذتنا الكبار المحترمين جد