طريقة تنظيف البوابة الكهربا
Engahmed Ali
السلام عليكم ورحمة الله وبركاته
اليوم بعد ما شوفت ناس كتير بتسأل عن عطل البوابه الكهرباء حبيت اوريكم تجربتى مع البوابه وازاى رجعت للحياه من تانى**الاول هنقول ايه اللى بيوصل البوابه لمرحله التهييس او البرجله**
ناس كتير لما بتعمل تنظيف للبوابه بالانجكتور كلينر بتبالغ فى الرش او بتغسل البوابه وهيه راكبه فى مكانها
ودى يمكن الى حصل معايه اول مره لما العربيه برجلت ولقيت اعدادrpm طالع نازل والدنيا بايظه
السبب ان الماده المستخدمه فى التنظيف دخلت على الجزء الكهربى للبوابه مما ادى الى الاختلال
&& الصح انك تفك البوابه خالص من مكانها وتغسلها بره مع مراعاه ان ماده التنظيف لا تدخل على الجانب الى فيه الجزء الكهربى
** المشكله التانيه ان البوابه تكون عدى عليها وقت طويل فى شغلها ادى الى حدوث تأكل فى الاجزاء الداخليه الى فى الجزء الكهربى لها
اتكلمنا كتير استحملونى للاخر معلشى
المهم اننا عايزين نحل مشكله البوابه دى باى طريقه
طبعا فى البدابه لو عندك بوابه قديمه هتجرب عليها عمليه الاصلاح
المطلوب
1-مفك نجمه 2- شحم ابيض او شحم خفيف اللزوجه -زجاجه wd40
هنبتدى نفك الوش البلاستك للبوابه مربوط بمسامير راس نجمه
هتلاقى زى الصوره المرفقه
فرشة كربونية ماشية علي مقاومة لما البوابة بتفتح بتحرك الفرشة تقوم تغير قيمة المقاومة يقوم الكونترول يحس بوضع البوابة ايه
سوسته كبيره على عمود محور البوابه لما هتحرك البوابه باديك هتلاقى فرش كربونيه بتمشى على تراك
تنظيف المقاومة المتغيرة علي الناشف كده بمنديل ورق و انفخها ببلاور لو فية
هنجيب منديل وره ويتم مسحها برفق هنضف التراك كويس علشان نضمن ان التلامش مظبوط
الاكيد انك هتلاقى شحم ناشف على الترس الحديدى والترس البلاستك الذى يؤدى بدوره الى تقل فى البوبه وحدوث خلل بها
هنضفها بوضع عليها نقطه من wd40 وعلى اعمده محاور التروس
هنفضل نحرك القرص الداخلى للبوابه لغايه ما هنشوف التروس بتتحرك بسلاسه
طبعا هنحط على الترسين كميه شحم قليله جدا
فيه ناس هتلاقى مشكله اكبر وان الترس البلاستك به سنه او سنتين متاكلين وده الى بيعمل اكبر مشكله احب اطمنك هنحلها برده
لما سيادتك بتحرك القرص بناع البوابه هتلاحظ ان التر كله بيلف فى نص دايره بس يعنى نص الترس المستخدم والنص التانى لا
الحل انك هتثبت الترس المعدنى والترس الى هو نص دايره وتلف الترس الكبير البلاستك سنه او سنتين المتاكيلن
وبكده يبقى انت رجعت البوابه للحياه هنقفل البوابه وتركبها تانى وهنعمل ليرن للكمبيوتر ومبروك البوابه رجعت زيرو
