طريقة توصيل مالتى النوبيرا 2 على الكاسيت الاصلى
محمد حمزة (Muhammad Hamza)
السلام عليكم ورحمة الله و بركاته
هتكلم عن توصل المالتى بتاع الطارة عن طريق Audio schematic diagram
هتلاقى فى المخطط من تحت Audio remote control switch ده اللى هو زراير المالتى فى الطارة←
هنلاقى سلكين طالعين منه لل clock spring اللى هو شريط الايرباج
السلك 1 BRN = Broun (بنى)
السلك 2 DK BLU = Dark Blue (ازرق غامق)
نتقل للجانب العملى على ارض الواقع
نتنقل بقى لفيشة الكاسيت
طيب 13 و 16 دول ايه بقى فى الكاسيت ؟
نروح لل Cassette schematic diagram
ده مخطط ضفيرة فيشة الكاسيت بالكامل بالاضافة لفيشة ال CD Changer
13 - هى Remote Ground
16- هى Front Remocon Data
كدا عرفنا كل سلك مكانه فين ولكن ممكن تفاجئ ان مفيش سلك طالع من الضفيرة اللى فيها السلك البنى و الازرق هتعمل ايه ؟!
هتجيب 2 سلك بطول حوالى 1م لكل سلك هو طويل انا عارف انا عامل حساب لما تفك الكاسيت و تسحبه السلك ميبقاش قصير و يتقطع لو فيه زيادة لمها بشيكارتون او افيز زى متحب
هتجيب 4 ترملة حاول تشوف مقاس مناسب للفيشة انا مش عارف مقاسها ايه
هتقشر السلك و تثبت فيه الترامل هتفك فيشة الكاسيت و تركب فيها 2 ترملة و سلك واحدة فى 13 و واحدة فى 16 زى الصورة اعرف مين فيهم 13 و مين 16 و مكتوبين على الفيشة حفر بارز بالابيض بخط صغير ممكن متشوفهمش فعشان كدا حطيت الصورة دى تانى
طيب لو عربيتك مصرى يعنى الضفيرة مفيهاش الفيشة اللى فيها ازرق و بنى و اسود هتعمل ايه ؟!
هتاخد السلك من رقم 13 و تديه للسلك اللى فى النص للفيشة اللى لونه تركواز و جاية من شريط الايرباج و 16 للسلك اللى على الطرف اللى لونه ابيض او بيج اللى على الطرف و الاسود ده الكلاكس و اعزل بين الترملتين بتوع 13 و 16 و إن شاء الله يشتغل معاك .
