حساس الكرانك و الكامة - CPS & CAM

السلام عليكم ورحمة الله

ورمضان كريم عليكم اجمعين
حنشوف مع بعض النهاردة حكاية حساس الكرنك وحساس الكامة وما هو اللغز هههههههههههههههههه الكامن في وجود حساس كامة في عربيات وعدم وجوده في عربيات اخري وان كانت تحمل نفس الموديل والطراز والماركة
Crank sheft position sensor او Cps
Cam sheft position sensor او. Cam
سنتسعرض سريعا لوظيفة كل منهم واللي اكيد حضراتكم عارفينها مظبوط لكي فقط نقرب من الهدف او المرجوا من استحداث حساس الكامة وادخالة من ضمن حساسات العربية المؤثرة في انتظام واستقرار عمل الموتور
الاول لازم نعرف حساس كامة يعني نحن امام محرك مزدوج الكامات DOHC
في البداية احب اقول ان هناك نوعين من حساس الكرنك
نوع 2 طرف وده بيعمل بالحث المغناطيسي الدائم Inductive crank sheft position sensor.
نوع 3 طرف وده اللي يهمنا وهو الذي يعمل عندنا في كل محركات الدايو او الجنرال موتورز عموما وهو Hall Effect ذو الثلاث اطراف يتكون هذا الحساس من دائرة الكتنرونيه عند تزويدها ب12 فولت يتم بناء مجال مغناطيسي يتقاطع مع اسنان ترس عمود الكرنك او الحدافة {الفولام} ودول هما المكانين اللي بيركب فيهم الحساس
ووظيفة حساس الكرنكوارتباطه مع حساس الكامةفي تحديد التوقيت اللازم لحدوث الشرارة وتوقيت حقن الرشاش عن طريق استشعارة للبستم اللي عليه الدور في الشرارة {شوط الانفجار} وذلك لما يثبت الحساس علي ترس عمود الكرنك مثلا واللي بيتألف من مثلا 60 سنة -2. او 30 سنة -2 يعني فيه فجوة في الترس غير مسننه وهذه الفجوة في عدد السنون هي اللي علي اساسها يعمل الحساس نفسه بالطريقة التاليه
السلك الاول هو سلك الباور او التغذية وياخذ 12 فولت من الكنترول الي الحساس والسلك الثاني هو سلك الاشارة او السيجنال وهذا السلك ياخذ ايضا فولتيه من الكنترول الي الحساس بقيمه تتراوح من 5 الي 8 فولت وعندما يدور ترس الكرنك وتجئ الفجوة اللي علي الترس في مقابل بدن الحساس ومع استعداد دائرته الالكترونية الداخلية بالفيض المغناطيسي وسلكه الاوسط بفولتيه 5 فولت يحدث موجات كهربية ديجتال ينقلها هذا السلك الي الكنترول فورا وهي قيم فولتيه مخزنة مسبقا في كنترول السيارة يتعرف منها الكنترول. اي بستم عليه الدور في الشرارة او شوط انفجار الاول والذي بيكون المسبب الرئيسي لبدء دوران الموتور من السكون بعد طبعا اخذ الحركة من المارش {بادئ الحركة الكهربي} هذه الاعدادات موجودة مسبقا في الكنترول زي ما قلت لكم لكن تنتظر من يعطيها الامر بالتفعيل ولاي بستم بالظبط وده كله عن طريق فكرة ارتداد موجات كهربائيه عند انهيار الفيض المغناطيسي بفعل الفجوة الموجودة علي الترس
طيب كده عرفنا فكرة عمل حساس الكرنك والعربيه دارات والحمد لله
امال بقه فين دور حساس الكامة
كل ده بيحصل في عدم وجود حساس الكامة بالظبط. لكن مع ملاحظة ان التقسيمة الكهربائية لاي سيارة برقم البستم هي 1342
لكن التقسيمةالميكانيكية برقم البستم هي 1423
طيب برضه ازاي مش فاهمين ياعم الكلام ده
ههههههه اقولك ببساطه لما حساس الكرنك قام بدوره في عدم وجود حساس كامة الكنترول طلع الشرارتين الكهربية من الموبينة للبستم رقم 4 والبستم رقم 1 في نفس ذات الوقت والاتنين فعلا في نهاية مشوارهم في النقطة الميتة العليا يعني نهاية شوط الضغط وبدايه الانفجار. وهو ده اللي محتاج الشرارة فعلا
اما الاخر في وضع شبيه بالاول لكن في حالة مختلفة وهي نهايه شوط العادم وبدايه السحب وهذا لا يحتاج اصلا شرارة
فاللي حصل هنا ان تم انتاج شرارتين. من الموبينة بناء علي تعليمات حساس الكرنك واحدة مرغوب فيها والاخري لاداعي لها وغير مرغوب فيها
طيب ازاي مش انت قولتلنا ان حساس الكرنك بيعرف البستم اللي عليه الدور في الشرارة اقولك اه وده اللي بيحصل فعلا لكن بطريقة ميكانيكيه بحته وهي 1423
يعني بيدي اتنين اتنين 1؛4 مع بعض و3؛2 مع بعض وده في اول الدوارة فقط لانه انتظام الشرارة بعد كده بيبيقي اعدادات كنترول بتمشي بالتسلسل واحد واحد طبعا
وكمان لان حساس الكرنك مبيقدرش يشوف اي كامه فوق في وضع فتح او قفل {يعني اي صباب مفتوح في البستم وليكن رقم 4 صباب بنزين او صباب عادم} ودي بقي فكرة وشغلة ووظيفة حساس الكامة يعطي الشرارة المناسبة للبستم المناسب بدون زيادة غير مرغوب فيها في بستم آخر وكمان من وظايفة يقطع ويسمح لامداد البنزين في عن طريق التحكم الاكثر تخصصا في عمل الرشاشات وده بيحافظ اكتر علي الموتور ويعلي كفاءته ويعلي الاداء ويزيد القدرة الحصانيه عند rbm منخفض الي حد ما منه لو مفيش حساس كامة. وكده تلاقي ممكن بحساس كامة تقلل السعة الليتريه هسه وتزود القدرة الحصانية هسه وتقلل كمان حصولك علي هذه القدرة من عدد لفات موتورrbm منخفض عن اللي من غير حساس الكامة
* معظم حساسات الكامة تكون من النوع HALL EFFECT
* السيارت التى يوجد بها حساس كرنك فقط يكون نظام الحقن بها SEMI SEQUENTIAL ( بمعنى أن رشاش 1 و4 يفتحو ويغلقو سويا) و(رشاش 2 و3 يعملو سويا) وكذالك كويلات الأشعال
* السيارات التى يوجد بها حساس كامة وحساس كرنك يكون نظام الحقن من نوع SEQUINTAIL بمعنى أن كل رشاش وبوبينة ( كويلات الأشعال ) تعمل بميعاد ترتيب شوط الحريق وذلك لأن حساس الكامة هو الذى يحسب من خلاله الكنترول أى من الأسطونات هى التى عليها دور الحريق
**أعراض ومشاكل حساس الكرنك والكامة
من أعراض تلف حساس الكرنك والكامة
- عدم دوارة (عمل ) السيارة تماماً
- عدم إنتظام سرعة السلانسيه عند تشغيل المحرك وحدوث hunting
- تسارع سىء
- حدوث misfire ( عدم إنتظام فى الحريق)
- حدوث backfire ( مدافع من الشكمان أو المانيفولد )
-إضاءة لمبة تشيك إنجين
وذلك نتيجة
- تلف فى الحساس نفسه نتيجة تراكم الأتربة جزيئات المعادن ( رايش) على طرف الحساس الأمامى ممايضعف من قدرته وحساسيته
- تلف فى الترس الذى يحسب منه الحساس وضع عمود الكرنك أو الكامة
- تلف ( تفويت ) فى فيشة الحساس أو تهالك أسلاك الحساس الموصلة للضفيرة
-تغيير فى قيمة مقاومة الملف الداخلى للحساس
كل ما سبق ترونه حضراتكم واقع ملموس في الفروق بين النوبيرا المصري ال1600 cc. و 106 حصان عند 6500 rbm
والنوبيرا الاوروبي ال1500. Cc. و 110 حصان عند 5800 rbm
معلومة اثرائية
من استنتاجي الشخصي
تجد كل المواتير النوبيرا ام حساس كامة الموبينة فيها 3 طرف 2 سيجنال وواحد كهربي ولا وجووود للارضي وهذا بات واصبح من المؤكد ان الذي يكمل الدائرة علشان الموبينة تشتغل هو حساس الكامة نفسه يعني هو المدير الشرعي لها وليس حساس الكرنك
يعني حساس الكامة هو من يحتوي علي الارضي الازم لتشغيل الموبينة. وان الموبينة غير مستقلة بنفسها كهربائيا ونجد ايضا ان اعراض التفتفه والتقطيع والتبطيل عند تلف او ضعف حساس الكامة تؤثر مباشرة علي عمل الموبينة نفسها
وهذا لن تجده في مواتير النوبيرا التي لا تحتوي علي حساس كامة تجد الموبينة مستقله كهربيا بنفسها وتحتوي علي اربع اطراف 2 سيجنال وواحد كهربا وواحد ارضي
هذا وما كان من توفيق فمن الله وما كان من سهوا او خطأ فمني
كالعادة هههههههههههههههههه شوية صور من النت توضح الموضوع بس عايز حضراتكم تبصوا كويس علي شكل الموتور. التوضيحي و الكروكي ده علشان تشوفوا المقصد من اضافة حساس الكامة وشوفوا شكل الاشواط والتقسيمة الميكانيكية والتقسيمة الكهربائية
وتقبلوا تحياتي
اخوكم
خالد قاسم

حساس كامة دايو

طراز ٱخر من حساس الكامة

حساس كرنك دايو hall eeffect

حساس كرنك دايو 3 طرف

توضيح لمكان حساس الكرنك علي مسنن عمود الكرنك