حساس الTps Throttle position sensor
Khaled Kasem
سلام الله عليكم ورحمته
الي اعزائي واخواتي اعضاء جروبنا الغالي
النهاردة
سأتكلم عن حساس كثير المشاكل وسريع العطل وهو حساس الTps
Throttle position sensor
حساس موضع صمام البوابة
هو عبارة عن مقاومة الكترونية صغيرة شديدة الحساسية والدقة الغرض منها معرفة مدي ضغط السائق علي دواسة البنزين لمعرفة مدي فتح زاويه قرص البوابة واللي بتبقي متصله معاه ميكانيكا عن طريق اكس البوابة الذي يدخل ويعشق داخل تجويف هذا الحساس في حركة كلها علي بعضها ربع دائرية فقط تكفي لعمل متغيرات فولتية كثيرة جدا تنتقل بدورها من دائوة الحساس الالكترونية الي وحدة الكنترول عن طريق سلك الاشارة او السيجنل واللي علي اساسها بيتعرف الكنترول علي الوضع الصحيح لدواسة الوقود ويقوم بناء عليها يحدد صرفية الوقود المناسبة لدوسة البنزين
وهنا يعتبر بيعتمد عليه الكنترول في جميع الاوضاع لقرص البوابة
غلق كامل
فتح جزئي
فتح كامل
سرعة الا حمل
السرعة البطيئة
السرعة العالية
التعجيل والتسارع
كما ان له وظيفة اخري او من ضمن فكرة عمله وهي من شأنها تخفيض و توفير الوقود عند النزول من المنحدرات والكباري مثلا يعطي اشارة الي الكنترول بقطع امداد الوقود عن الرشاشات لان وضع العربية ساعتها ليس بحاجة لها
كده تمام اتعرفنا علي مكانه ووظيفته
نعرف بقي اعراض تلفة وناخد بالنا ان في بعضها بيتشابه مع صمام الايدل وحساس الماب بس لازم نفرق بينهم في شكل العطل الظاهر علشان ميحصلش لبس في الفهم لدي البعض
1/ تذبذب في الrbm صعودا وهبوطا في السرعة الخاملة {السلانسيه} وده عطل tps مشهور لكن ارتفاع الrbm عن الحد الطبيعي وثباته علي هذا الارتفاع ده عطل لصمام الايدل. وطبعا الاتنين متشابهين لكن هذا هو الفرق الجوهري بينهم
2/ تباطئ وتلكؤ في الاستجابة لدواسة الوقود وفشل لحظي في التعجيل والتسارع نظرا لفقد الكنترول الاشارة والاوامر من حساس الtps. فحينئذا. يتجاهل الكنترول تماما حساس الtps ويلجأ الكنترول الي حساس الماب والعمل علي ضوء اشارته ويتم معالجتها بشكل اخر داخل وحده الايبروم للكنترول للوصول الي محكاة ليست دقيقه لمعرفة موضع قرص البوابة الحقيقي بعد عجز الحساس الtps في القيام بمهام عمله
3/بطئ في العودة الي السرعة الخامله عند التوقف سلانسيه وذللك ايضا لتقطيع الاشارة الصادرة من الحساس واللي بيحاول الكنترول جاهدا ان يعزز دوران الموتور بامداده بالكثير من الوقود بدون داعي لضمان استمرار دورانه وده بيخلي استهلاك البنزين يزيد بشكل ملحوظ جدا وبيرفع ساعتها عدد لفات الموتور بدون داعي وهنا يتشابه العطل مرة اخري مع صمام الايدل iac لكن مع الفارق احيانا اضاءة لمبه التشك لان حساس الtps من ضمن العائلة اللي بترسل سيجنال للكنترول وتضاء لها لمبه الاعطال حينما تتلف او تفشل في عملها
يسجل هذا الحساس الكثير من الاكواد المختلفة كلها تتعلق بفولتيه قليلة او كبيرةواصلة اليه من الكنترول او خارجة منه }signal} واو عيب في سلك التاريض او الارضي بتاعه واللي واصل له من وحدة الكنترول مباشرة
الحساس له فيشة بها ثلاث اسلاك. اثنان منهم علي استقامة وحذا واحد والثالث فوقهم والتصميم ده موجود عندنا في الدايو كله وممكن ان تجد في ماركات سيارات اخري فيسة هذا الحساس الثلاث سلوك علي استقامة وحذا واحد لكن برضه بنفس الترتيب
السلك الاول هو سلك التغذية الفولتيه الثابته والاتيه من الكنترول الي الحساس وتكون 5 فولت تقرببا ثابته سواء كان الكونتاك مفتوح والعربيه دايرة او الكونتاك مفتوح والعربيه مبطله
السلك الثاني وهو سلك الاشارة signal ويخرج منه فولتيه متغيرة حسب وضع قرص البوابه من الحساس الي الكنترول يبين فيها مقدار زاويه فتح قرص البوابه علشان الكنترول يعرف وبصرف بنزين مظبوط ومناسب زي ما عرفنا سابقا
السلك الثالث هو سلك التأريض او الارضي والواصل من وحدة الكنترول الي الحساس
اللي انا حقوله دلوقتي ده. يعرفة المتخصصين فقط ومفيش كهربائي يعرف يعمله علشان معظم الصنايعيه للاسف جهله ان مكنش كلهم وفي التوكيل المحترم بيكشفوا علي الحساس عن طريق جهاز اخر اسمه كونسلت وده بيعمل خرايط واحداثيات وفيلم كبير فرجاء من حضراتكم اللي شايف في نفسه المقدرة علي الشغل بايده وعنده المبادرة الموضوع سهل جدا لكن اخر اختبار كن حذر منه ويتنفذ بدون خطأ واللي ميعرفش يروح لحد بيفهم احسن
نيجي بقه لحاجة مهمة ومهم نتعلمها كلنا مع بعض وهي كيفية اختبار الحساس بجهاز الافوميتر الديجتال
هو المعروف ان الحساس بيحتاج الي جهاز اسمه كونسلت يكشف عليه وهو راكب علي العربيه ويقعد يرسم خرائط واحداثيات ملناش دعوة بيها هههههههههههههههههه
لكن الافوميتر حيفي ايضا بالغرض
هناك اربع اختبارات صغيرة يمكننا القيام بها للوقوف علي حالة الحساس الفنيه وحنعرف بشكل كبير جداااااااااااااااااااااا مدي صلاحية الحساس من عدمها ان شاءالله
نحضر افوميتر ونظبط التدريج علي وضع 20 Dc فولت
ملحوظة هامه
الاختبار الاول والثاني يتم اجراءو والفيشة راكبه علي الحساس طبيعي ويتم رشق 3 دبابيس في الفيشة من الخلف للثلاث سلوك حتي يتيسر لك عمل كونيكت للسلوك وتغرف تقيس بالافو والفيشة راكبه علي الحساس
اما الاختبار الثالث والرابع يتم فصل الفيشة وعمل الاختبارين عليها بدون الحساس وحنعرف مع بعض ليه بالظبط
ملحوظة اخري هامه
في تقسيم سلوك الفيشة للحساس السلك العلوي هو سلك الاشارة
والسلك الاخضر او خط اسود مقلم هو سلك الارضي
والسلك الاسود اللي جنبه هو سلك التغذية
ممكن جدا الوان السلوك تختلف من كوري لمصري او حسب الموديل ونوبيرا 1 او 2 او لانوس او ليجانزا لكن ترتبهم لا يختلف سيظل السلك اللي فوق لوحده هو الاشارة والاتننين اللي تحت واحد منهم الارضي والتاني التغذية مهما اختلفت الالوان للسلوك
ممكن تتاكد من الارضي بظبط الافو علي وضع البزر او الجرس وتوصيل المجسين بتوع الافو مع سالب البطاريه والمجس الاخر علي اي من السلكين اللي تحت تللي تسمع فيهم صوت جرس يبقي هو الارضي من غير كلام ده يعني لو تهت ومعرفتش تفرق سلك الارضي عن التغذية
الاختبار الاول
التحقق من الفولتيه الخارجة من الحساس {الاشارة} فنضع المجس الاحمر علي سلك الحساس رقم 2 والمجس الاسود علي سالب البطاريه ونفتح الكونتاك بدون تشغيل المحرك ولازم يكون قرص البوابه مقفول تماما حنلاقي اشارة الحساس تكون ما بين 3 الي 9 من عشرة من الفولت يعني اقل من واحد فولت وبعدين نبدا نحرك بكرة البوابه اكننا بنزود بنزين ونتابع بعنينا شاشة الافوميتر لارم القراءة ترتفع تدريجيا مع التزويد ومتنزلش ابدا وكمان ميحصلش قفزة في القراءة فجأة مثلا من 1 الي 3 فولت لأ لازم تكون تدريجيه ومنظمة وتوصل لحد 4.5 فولت وتقف وحينها تكون البكرة مفتوحة علي الاخر {فتح كامل لقرص البوابة} وبعدين نرجع البكرة لوضعها الطبيعي تدريجيا ولازم برضه النزول في القراءة علي شاشه الافو تكون نزول تدريجي وببطء وبدون قفزات للخلف زي الطلوع تماما بشكل منظم وسلس
الاختبار الثاني
علي نفس الوضع بتاع المجسات ده حنجيب اي حاجة حديد مثلا ونقوم بالطرق الخفيف علي الحساس مم الخارج واحنا بنزود البكرة تاني ونشوف هل ستمسح الاشارة وتختفي من علي الشاشة وترجع تاني وتتمسح وتقفز وتعمل فجوة في تسلسل القراءة ولا لا لو حصل مسح او قفزة. او تقطيع في القراءة عند تعرض الحساس للطرق يبقي تااااااااااالف يا برنس
الاختبار الثالث
نأتي للسلك رقم 1 وهو سلك التغذية الرئيسي للحساس ونفصل الفيشة من علي الحساس افضل في الاختبار ده ونضع المجس الاحمر للافو علي السلك رقم 1 والمجس الاسود علي سالب البطاريه ونفتح الكونتاك لازم تكون القراءة السلك من 4.5 الي 5 فولت وده بيبقي تغذية مظبوطة اتيه من الكنترول الي الحساس
الاختبار الرابع
السلك رقم 3 وهو سلك الارضي الاتي من وحدة الكنترول الي الحساس الخطوات القادمة ان لم تنفذ بحرص وحذر كبيران ممكن تؤدي الي حرق الكنترول مباشرة لذا وجب التنبيه فلذلك ركز معايا قوي علشان لا يحدث في هذا الاختبار اي خطأ فهو مختلف عن الاختبارات الثلاثة السابقة
نفتح الكونتاك ونضع المجس الاسود علي السلك رقم 3 ونضع المجس الاحمر علي موجب البطاريه سوف تكون القراءة لهذا السلك من 11.2 الي 12 فولت وده كده اثبات علي ان الارضي سليم بس تم قياسه بشكل عكسي توفيرا لغلبة فك الكنترول نفسه والبحث عن البنه المسئولة عن ارضي حساس الtps حركة صايعة. هههههههههههههههههه والخواجة مقلش عليها لانه خايف تعكس الاقطاب فيطير الكنترول فورا.
اخيرا اما حضراتكم الحساس وقرائاته مفصلة اي تغيير او نقص او زيادة غير اللي تم ذكره فده بيعتبر حساس ضعيف او تالف
مرفق صور توضح مواضع السلوك وترقيمها للحساس
ملحوظة اخيرة هااامة
هذا الحساس هو والماب يحتوي علي دائرة الكترونيه حساسه ودقيقة ولا ينظف نهائيا باي نوع منظف ولا حتي منظف الكترونات الجاف وعند تعرضه لاي سائل او منظف يتلف فورا ويخرف ويهيس. االهم قد بلغت اللهم فاشهد
هذا وماكان من توفيق فمن الله وما كان من سهوا او خطأ فمني
وتقبلوا تحياتي
اخوكم
خالد قاسم
