تغير جوان التاكيهات للنوبيرا 2
السلام عليكم و رحمة الله و بركاته
النوبيرا 2 فيها مشكلة معروفة بتاعة أويل سيل التاكيهات
في حلول كتير أسهلها تغير الجوان وفيه ناس بتخرط 1 مللى
من عند المساميرالمهم انا روحت للحل الاسهل
أول حاجة لو هتشتغل بإديك لازم العربية تكون باردة
العدد المطلوبة :
1- كويل حديد (هقول لزمتة بعدين) .
2- مفك عادى .
3- كتر .
4- بنسة .
5- مفتاح الن كاى 5مم .
6- ببة 10 .
7- شوية مناديل .
هنفك الوش الفبر بالمفتاح ال الن كاى
بعد كدا هنفصل سلوك البوجيهات
وهنبدأ نفك المسامير ب الببة ال 10
الوش مربوط ب 15 مسمار
وبعد كدا في 3 خراطيم مربوطين في الوش من فوق هنفصلهم عشان نعرف نشتغل براحتنا
الوش مربوط ب 15 مسمار
وبعد كدا في 3 خراطيم مربوطين في الوش من فوق هنفصلهم عشان نعرف نشتغل براحتنا
بعد ما نفصل كل حاجة ونبدأ نشيل الوش هنخرج الجوان
القديم
ننضف اللزق الحراري القديم لو فيه بالكتر
الفرق باين في الصورة بين المكان اللي اتنضف تحت واللي فوق لسة
الفرق باين في الصورة بين المكان اللي اتنضف تحت واللي فوق لسة
ومننساش الوش بردو يتنضف كويس
انا بعد ما نضفتة غسلته غسلة خفيفة بالبنزين
انا بعد ما نضفتة غسلته غسلة خفيفة بالبنزين
نركب الجوان في الوش الفيبر من غير لزق
نركب الوش فى مكانه
لما تجمع على مسامير الوش اربط من النص للاطراف زى ربطة وش
السلندر عشان الوش ميقفعش او الجوان يتعصر
ومتنساش متربطش المسامير جامد يدوب بس اول ما المسمار
يتقل منك
بعد كدا نركب الخراطيم تانى
وناخد بالنا من الخرطوم اللى فى اليمين عشان دا هيركبلة الكويل الحديد اللي قولت علية فى الاول
بعد كدا نركب الخراطيم تانى
وناخد بالنا من الخرطوم اللى فى اليمين عشان دا هيركبلة الكويل الحديد اللي قولت علية فى الاول
ونسيب بعد كدا سيب العربية زي ما هيا كدا نص ساعة مثلا وبعد كدا نربط المسامير كويس
و كدا تمام مبروك عليك
طريقة ربط مسامير الجوان :
1- هوى جميع مسامير الوش .2- اربط بالطريقه الموجوده فى الصوره ومتربطش اوى .
3- بعد ربط جميع المسامير كما فى الصوره بالترتيب الصحيح جمد عليها تانى ولكن مش اوى
5- بعد يومين تقريبا اربط تانى مش اوى برضو وهنعرف مش اوى دى اتكررت ليه اكتر من مرة وبنحذر منها فى الملحوظه
***ملحوظه مهمه مهمه جدا :-
ينصح تكون العربيه بارده و ينصح فى الربط الأخير الخطوه رقم 5 تكون العربيه سخنه
اهم حاجه متربطش المسامير على الاخر لانها بتربط فى انتمونيا او ألمونيا لو ربطت جامد
إما هتكسر الوش الفيبر أوهتنعم مكان ربط
المسمار وهتضطر تروح لخراط يعملك سن للمسامر فى الهوستينج
اللى هيعمل حاجه مسئول عنها والجروب واعضاءه وانا كمان غير مسئول ولكن الطريقه صحيحه 100%
الصوره توضيحية فقط
يتم ربط المسامير بعزم 10 نيوتن/متر او 89 رطل/قدم
اللى هيعمل حاجه مسئول عنها والجروب واعضاءه وانا كمان غير مسئول ولكن الطريقه صحيحه 100%
الصوره توضيحية فقط
يتم ربط المسامير بعزم 10 نيوتن/متر او 89 رطل/قدم
موضوع مش اوي ده صعب ايه المقياس