العمليه سهله جدا جداااااااااااااااااااااا
هات افوميتر ديجيتال واظبط التدريج بتاعه علي وضع 20 Dcv. وتعالي الصبح والعربيه كانت بايتة ويفضل
بقالها فترة مدارتش. يفضل يوم كامل علشان نحكم صح 100% وضع المجس الاحمر
للافوميتر علي الطرف الموجب للبطارية والمجس الاسود علي الطرف السالب
ويراعي يكون مفيش اوساخ ولا ترسبات املاح علي الاقطاب وانت بتقيس لو القياس
طلع مابين 12.8. : 12.3 تبقي بطاريتك زي الفل وقادرة تحتفظ بشحنتها ليوم
كامل ولو ااقل من كده تبقي بتودع ومسئلة وقت وتشيع خلاص
وبعدين
شوف حد غيرك يدور العربيه لو البطاريه كويسه يعني وانت موصل الافوميتر
بنفس الطريقة وعينيك علي المؤشر بتاع الافوميتر لو ساعة الدوارة فقط قلت
القراءة للافوميتر عن 10.5 تبقي بطارية بتسرب وتالفة لو مقلش يبقي تمام
واخر
حاجة خليك موصل الافو زي ما انت وشوف بقة مديلك قراءة كام ودي بقه علشان
نحكم بيها علي سلامة الشحن بتاع الدينامو فقط ويتراوح شحن الديناموا
المسموح والآمن من 13.5 الي 14.5 فولت. اقل من كده دينامو ضعيف وعايز تغيير
شربون وصيانة اكتر من كده دينامو لاسع وعايز يترمي. لازم الشحن يكون بين
القرائتين السابقتين.
بس كده ده كل اللي بيعملوا الكهربائي
سهل جدا
ملحوظة هامة جدا جداااااااااااااااااااااا
لازم
التأكد جيدا من عدم وجود تسريب كهربا في العربيه يعني اي عنصر في العربيه
بيشتغل بالكهربا يكون ملمس وبيسحب كهربا من البطارية والعربية مقفولة
ومبطلة طواااال الليل وده ممكن يكون هو السبب في افراغ شحنة البطارية
باستمرار
وتقبل تحياتي
